خلوني أحكيلكم حدوتة

في 2006 زي اليومين دول كنت سهران مع صديق في Cup Door في وسط البلد و قرر الشخص اللي قاعد على الترابيزة اللي جنبنا لوحده يشاركنا أحزانه بعد ما كان شرب ( طبقًا للمنظر اللي قدامه ) 11 إزازرة بيرة و حوالي نص براندي بولاناكي .

بدأ كلامه ب ” إنت عارف يا باشمهندس أنا إترشحت قدام فتحي سرور ” و بعدها قرر يحكي حدوتة حياته من أول ما كان طفل أمه بتبعته المدرسة ب نص سندوتش علشان تدي النص التاني لإخته لحد وصوله ل إنه يكون مرشح قدام فتحي سرور في وسط كلامه طلع من الشنطة اللي كانت جنبه كيس فيه بتاع 40 شريط كاسيت و رماه على الترابيزة و قال انه قضى عمره بيهربهم و مشي

الشرايط دي كانت تالت دفعة لأرشيف الشيخ إمام عندي

و من وقت الموقف ده و أنا إهتميت أكتر بكتير من قبلها و قررت أتفرغ

لذلك أنا أقدس الصدفة , بس مش بعترف بيها

  • Posted 5 days ago
  • April 18th, 2014

4 Likes & Reblogs

حسيت بالتفاهه اللى انا بعيشها لما قريت كام حاجه عندك

Asked by Anonymous

مع اني مش بحب الأنون يعني :)

بس في المطلق طول ما انت حاسس انك تافه هتكون تافه

كل بيتفشخ بطريقته يا عزيزي/تي

  • Posted 5 days ago
  • April 18th, 2014

0 Likes & Reblogs

أنا هويته و إنتهيت

على مدار الكام سنة اللي سمعت فيهم مزيكا الدور ده تم إغتصابه بس الوضع هنا مختلف

  • Posted 1 week ago
  • April 16th, 2014

0 Likes & Reblogs

الفكرة دي في راسي بقالها كام يوم

انا بمثل اني محترم انا اتمرمطت و اتفشخت كتير انا كنت بتخانق مع فلاحين على 15 قرش زيادة في أجرة الميكروباص اللي كنت بشتغل عليه في نفس الوقت كان مكتوب في بطاقتي اني طالب في كلية طب دكتور شغلته يلم الأجره من الركاب و ينادي و يخبط على أبواب الميكروباص علشان ناس تركب أو تنزل

كانت أيام كئيبه بنت وسخة بس كنت بنام في آخرها نوم شديد العمق مفتقده جدًا دلوقتي

درجة التحول ما بيني من 10 سنين و بيني دلوقتي مرعبة و الأكثر رعبًا اني مش فاكر و مش عاوز افتكر ده حصل ليه و إزاي

retrotica:

http://ranwayehia.blogspot.com/2012/03/blog-post.html
شكرا على شعث على كل حاجة و لن توفيك شكرا حقك أبدا.

حيث الفكر الذي لا يعرف الخوف
وحيث الراس مرتفعاً… عالياً… شامخاً
وحيث المعرفة حرة و العالم غير ممزق
داخل الجدران المألوفة الضيقة
وحيث تنبثق الكلمات من أعماق الحقيقة
وحيث القلب يمد ذراعيه نحو الكمال
وحيث نهر البلد الصافي لا يضل طريقه
في رمال صحراء العادات البالية
وحيث تقود الفكرة الى الامام
نحو اعمال تزداد رحابة على الدوام
في ذلك الجو من الحرية
اجعل بلادي تنهض يا حب
يا حرية

  • Posted 3 weeks ago
  • March 31st, 2014

4 Likes & Reblogs

4 شهور

4 شهور من غير شغل على الراديو

مبقتش بفهم الناس اللي بتيجي تشتكيلي او ترفض حاجة بتحصل على جرامافون أنا حقيقي علاقتي بالبث إنقطعت تمامًا من 4 شهور بالتمام والكمال يوم ما اتصلت بميشو جيبته من إمبابة اللمهندسين و إتقابلنا في جنينة الشغل عند منى و قولتلهم ” يا ولاد انا قررت أسيب البث و أسلمه ليكم تتصرفوا انتم فيه مع الفريق ” الحقيقة مش عارف وقتها كان ايه الدافع بس دلوقتي انا بعرف ليه :) واضح ان الخطة الشريرة دي بتتخمر في دماغي من زمان و فجأة إكتشفت انها محتاجة تفرغ و بدأت أتفرغ من غير ما أكتشف الخطة أصلًا

الخطة الخطة الخطة , أنا عايش علشان اللحظة دي بالذات اليومين دول , لما هاجيب رنوة و مالك المحلة و نركب تاكسي نلف بيه شارع البحر و نتبسط :)

نرجع مرجوعنا , من غير راديو

انا تقريبًا عمري ما فوتت حرف اتقال على جرامافون ده انا بعمل سيرش على تويتر و فيس بوك و جوجل بكل الطرق الممكنة ” جرامافون , جرامفون , جراموفون ) أي حاجة بس الاقي اللي بيتقال عننا ده اللي بيحدد بنسبة كبيرة الأونلاين راديو هيشتغل إزاي

المعضلة ان جرامافون مش أونلاين راديو ببساطة :)

الكنز في اللي بيحصل قبل ما الناس تسمع أونلاين ,زماااااااااااااااااااااااااااااااااااااااااااااااااااااان من ييجي 3 سنين كده كان آه الموضوع أونلاين راديو بس دلوقتي , آحا ع الخطط الشريرة

مين بقى السبب في كل الخطط الشريرة ؟ أنا قررت أبلغ عنه و أسلمه :D

علي شعث يا جماعة روجوا اقبضوا عليه ^_^

الله يرحمه علي كان بيتكلم عن مشاريع كتير فشخ بحماس كبير فشخ يخليك تحس انها ممكنة جدًا مع انك لما هتبدأ فيها هيطلع دين امك و هي مش ممكنة أصلًا و ما بين نيك البيروقراطية و نيك القوانين و نيك الفلوس هتتفرم بس لما ترجع تفتكر الحماس اللي كان علي بيتكلم فيه بتكره علوقيتك و تكمل شغل :)

اليومين دول بحضر شوية قعدات مرتبطة بتحضير المعسكرات و في كل مرة تيجي فيها سيرة المعسكرات لازم سيرة علي تكون موجوده و دي حاجه مبهجة و بضان في نفس الوقت أنا كان عندي فرصة أكون موجود و اتعولقت أنا بكرهني فشخ

بس في كل مرة حد بيحكي حدوتة عن علي بعرف أد ايه هو كان هو علي معايا كان علي مع كل الناس و ده الغريب و الفشيخ في نفس ذات الوقت :D

ضحك , سيطرة , روح

كاتر 3 كلمات هتسمعهم في الحواديت اللي بتتحكي عن علي شعث و هما بالظبط ال 3 كلمات اللي ممكن يفسروا علي بإختصار

من يوم الخميس اللي فات أنا بعمل تجربة جديدة مسببالي حالة غريبة جدًا من النشوة و مش عاوزها تخلص

في عيال صغيرة بتلعب كورة في مدخل العمارة وانا عاور اطلع ألعب معاهم #حقيقة

  • Posted 3 weeks ago
  • March 28th, 2014

1 Likes & Reblogs

يا رفاقى ياللي علمتوا الصلابة للحجر

بندهلكم و سط الكآبة و الرتابة و الضجر

مصطفى سعيد في لبنان تاني للأسف

و سألني ” يعني عاوزني أرجع أعمل ايه ” و معرفتش أجاوبه

مصطفى ” للأسف ” مش مكانه مصر

  • Posted 3 weeks ago
  • March 28th, 2014

0 Likes & Reblogs

على مدار 3 سنين شغل في ما يسمى الميديا اتشتمت بكل فرد في عيلتي منفصل عن التاني مش عارف لو كان فعلًا جرامافون ميديا من كام يوم كنت في ميتنج شغل و بيقولولي ” آه لازم نزوركم في المقر ” كنت محرج فشخ و سعيد فشخ وربنا احنا ما عندنا مقر احنا زي ان كل واحد عنده راديو بتاعه و صحابه و عيلته اللي عملها بمعرفته هو بقى

ساعات ناس بتتكلم مع جرامافون بحميمية تبدو غريبه بنكتشف بعدها ان الشخص ده بيكلم شخص معين من التيم

جرامافون ابني اللي بالرغم من انه في سن الرخامة لسه مزهقتش منه

أنا هابقى أب لطيف :)

  • Posted 3 weeks ago
  • March 28th, 2014

2 Likes & Reblogs

ذاكرتي بتطلع كتير من المدفون

شكرًا ياللي في بالي

  • Posted 3 weeks ago
  • March 27th, 2014

0 Likes & Reblogs

He who makes a beast of himself gets rid of the pain of being a man

  • Posted 3 weeks ago
  • March 27th, 2014

6 Likes & Reblogs

في 2005 أو 2006 تقريبًا خالد كساب قرر يسمي حاجه بعتهاله ” مفتوح ولا مقفول ” و نزلت في ضربة شمس بالإسم ده و على أد ما الإسم كان Disturbing أول ما تقراه خاصة يعني ان كساب هو اللي كان بيختار عناوين المقالات كلها ” علشان محدش مننا عميق كفاية طبعًا انه يطلع بإسم زي فونولوجيا التشويش الإيحائي ” المهم المقال وقتها كان بيتكلم عن علاقات انسانية و تشبيهها بالكتاب ” عمق أفشخ ” . شخصيًا مش عارف انا بقول الهري ده ليه تحديدًا بس اللي عاوز اوصله اني اليومين دول في حالة شبه اللي كتبت وقتها المقال و بما اني وانا بنقل القاهرة مكنتش عاوز انقل تقيل فرميت حاجات كتير فشخ منها اعداد ضربة شمس ف أكيد مش هلاقي المقال و أكيد مش هافتكر انا كنت بهري في ايه وقتها

اللي بيحصل من أغسطس لدلوقتي غريب و كتير و صعب تحمله دفعة واحدة , كان المفروض انه يحصل على مدار اخر 3 سنين مش يتكثف في 6 شهور انا بتضرب في حلاط أسمنت مع حاجات كتير جدًا , و ده مخليني بقالي فترة بعيد تقييم علاقاتي بالبشر , مش ببشر بعينها , بالبشر عمومًا و معايا قبل أي حاجة بنضف على قولة مالك العفن اللي تحت الجلد العفن اللي اتكون على مدار وقت زمني كافي جدًا مكنتش فيه أنا نهائي أو كنت أنا تاني مش عارف تحديدًا

بس ده يرجعنا ل , أنا إمتى قررت أسكت ؟ انا بقالي مدة زمنية محترمة فاقد الإهتمام بالبني ادمين ناس كتير بتكلمني ف مردش اول مره يعذروا تاني مره الكلام يكون اتشاف و مردش برده ف يراعوا بس في التالته بيتبضنوا و يمشوا و ده حقهم بس الأهم إني مبحسش بأي حاجة بعد الفقدان

إديت لعقلي الأمان بقالي كام يوم انه يحكي و يقيم كل حاجة و أي حاجة من غير ما أهدده بكاس فودكا او سيجارة او الاتنين او أكتر زي ما كنت بعمل طول الفترة اللي فاتت و اكتشفت اني عندي حاجات كتير جدًا متعلقة جدًا جدًا و بتفضل ضاغطه عليا طول الوقت و بدون مبرر بس إكتشفت برده اني بستخدمهم في اني اعمل ديستراكشن عن المهم , عني , غرّق نفسك في مشاكل مش موجودة ببساطة يعني علشان متفكرش في المهم بس مع تقليل الدخان و الكحول بقى الموضوع أظرف كتير اوي

اكتشفت كمان تفاصيل كانت بتحصل بقرر اتغاضى عنها علشان علاقتي بالناس دي متتأثرش , إكتشفت اني بايع نفسي و مقسمها وسط ناس كتير بس ناسيها في وسطهم

غالبًا هاستغل فترة سفر لبنان في حسم حاجات كتير بعيدًا عن التلوث اللي انا عايشه هنا

تواصلي الشخصي معايا بقى بيقل بطريقة مرعبة مبقتش بقدر احدد ” هو انا مبسوط ” ولو بعد معاناة عرفت مش بعرف احدد ليه بالظبط البقاء بقى للإحساس الإحساس بس بقضي ايام مزعجه جدًا و كتير بختار بس حتة منها و اصحى تاني يوم فاكرها ف بالنسبالي يبقى اليوم بقى ظريف

بدأت أقلل كحول و دخان لعل الأمر يعتدل مجددًا

  • Posted 4 weeks ago
  • March 26th, 2014

1 Likes & Reblogs