صباح الفل يا علي
انت عارف كويس انهم مش بيقولوا علينا هاكرز,لا الهاكرز بالنسبالهم هما الأخلاقيين اللي بيسلموهم معلومات,إحنا قراصنة.
قبل ما أروح المعسكر بليلة واحدة قررت اني أعمل ماراثون Pirates of the Caribbean
بدون مبرر في الواقع النت في البيت فاصل و معنديش حاجة تانية أعملها أكتر من اني اتفرج على أفلام فبتفرج على أفلام.
لما رجعت من المعسكر قولت أعيد تاني من الأول لاني كان باقيلي فيلمين أنا دلوقتي خلصت السلسلة الإكتشاف العظيم ان أكتر خطة إستخدمها جاك سبارو في كل الأفلام هي الإرتجال .
جاك مكانش بيعمل خطط هروب و لا خطط دخول بياخد القرار و بناء على اللي هو شايفه بيتحرك و اللطيف انه دايمًا كان بينجح في إرتجالاته .
و بالرغم من ان طول الفيلم جاك بيبان وسخ و ابن ستين كلب بس في آخر الفيلم ( دايمًا ) حاك بيعمل الصح :)
أنا قرصان يا علي , شخص وسخ بيستغل وساخته في النضافه بشكل أو بآخر .
أنا بعرف أستغل الوساخة و الفساد و إرادة البشر المتناكة في إني أوصل للي أنا عاوزه و ده من زمان .
اللي اتغير هو (اللي أنا عاوزه)
شكرًا ليك
جايز المعسكر ده كانت الضربة الأخيرة اللي عرفتني بجد انك مت و ان كتير اتغير و اني لازم أغير طريقتي في التعامل
المشكلة اني حقيقي مش قادر أغيرها و الطريقة دي بقت مهينة ليك قبل ما تكون مهينة ليا
أنا كرامتي إتفشخت في إسبوع واحد كما لم يحدث من قبل و بقيت مش طايق أي حاجة مش طايقك شخصيًا
مش طايق انك غيرت كتير نيك و مشيت و بقيت أنا شخص مخوّخ ولا منّي قادر أرجع زي ما كنت ولا مني قادر أصدق في اللي انت عملته معايا علشان كل محاولات استخدامه كانت نتيجتها حيطة سد
و في كل مرة أقرر فيها إني أخلع , أخلع زي ما بعمل دايمًا الإحساس الغالب بيكون أقرب للخِزي بسبب الإجساس الدائم بالهروب,أنا بهرب دايمًا من كل حاجة ممكن تكون حقيقية
الحاجةاللي مش قادر أهرب منها لحد دلوقتي هي اني عارف ان في حاجات أنا أقدر أعملها تكمل على اللي انت كنت بتعمله
اللي مش فاهمه هو ايه سبب الطاقة السلبية و الإحباط الدائم اللي بقى ورانا
زمان كنت باجي أعيط في فسحة,أعيط بدموع مش إحساس لاني كنت على يقين تام بفشل و عدم أهمية اللي بيحصل,كنت موقن بالكلام اللي منصور بيقوله دلوقتي ان الأونلاين راديو حاجة فاشلة حقيقي و بتاكل من مميزات الانترنت كل حاجة بس لما أيقنت بأهمية المحتوى اللي بيتقدم بعيدًا عن اي حاجة  الوضع اختلف و وصلنا للي بقينا فيه
يومك حلو زي كل أيامك اللي عرفتك فيها و اللي مقضيها بعيد عننا

  • Posted 1 week ago
  • September 8th, 2014

1 Likes & Reblogs

١
صديقنا العميق Yahia Reda Abdul Qawi قرر انه يغير في طريقة التدريس في مصر عمومًا و بدأ من شركته Open It في أول مدرسة من #مدارسـالأندرجراوند و هي مدرسة كولومبوس .
٢
إمبارح خلص معسكر أضِف - Arab Digital Expression Foundation للإعلام الحر اللي جربت فيه منهج ورشة الراديو الأونلاين و كان التفاعل لطيف مع إختلاف حتى الخلفيات الثقافية و أدينا مستنيين أول راديو أونلاين في السودان و شرحه في البحرين
٣
وجهة نظري اننا لو هنعمل راديوهات أونلاين بجد هتبقى راديوهات شديدة المحلية و مش هتكون مذيع ورا ميكروفون بيقول أخبار و بيناقش قضايا التحرش
٤
انا مش معترف بالأساسيات الإذاعية و مش شايف ان الأونلاين راديو المفروض يلتزم بيها بأي شكل 
٥ 
انا مش بعمل حاجه في جرامافون بقالي كتير ربنا يخلي Mozakerat Kashkool Almowarak خاصة اني اكتشفت انهم كمان عينوا ناس في التيم و دربوهم و بقوا شغالين وانا ولا أعرف و ارتجال قربت أفنشه 
٦
بناء على كل اللي فات ده إحنا هنضم على يحيى و مدارس الأندرجراوند و هنبدأ مدرسة #حبشيـجرجس هنلف مع يحيى ال ٨ شهور الجايين ( من غير عجل ) و ندرب الناس يعملوا راديوهات اونلاين و نوفر الإمكانيات التقنية و نسيب أراشيف مفتوحة و نمشي و نقطة البداية زي ما كانت دايمًا في مراحل تطور جرامافون هتبقى أضف 
أخر الشهر هنجرب المنهج تاني في أضف على أعمار مختلفة شوية و ثقافات مختلفة شوية و وقت أكتر شوية من بتاع المعسكر,ونجرب .
إتمنوا ل Gramafoon.com - جرامافون التوفيق
  • Posted 1 week ago
  • September 7th, 2014

0 Likes & Reblogs

أغسطس يأبى الا أن يثبت انه شهر ابن متناكة,هرم مات,شخص تصور انه علشان ماشي على رجلين و راكب عربية يقدر يدوسه و يخلع
  • Posted 1 month ago
  • August 20th, 2014

3 Likes & Reblogs

لحظة اليقين انك تقدر , اللحظة اللي بعدها مفيش حاجة بتقدر تقف قدامك :)

زيارات علي الليلية دايمًا بيكون وراها حاجات لطيفة

  • Posted 1 month ago
  • August 12th, 2014

1 Likes & Reblogs

زيارة من علي شعث امبارح مصحياني سعيد :)

  • Posted 1 month ago
  • August 8th, 2014

0 Likes & Reblogs

انه في يوم السابع من شهر يوليو لعام 2014 أتممت أنا أحمد كمال برمجة المرحلة الثانية من “إرتجال” ليتحول من مشروع تجاري ل ويكي ل أرشيف صوت ل أرشيف صوت حر ل أرشيف صوت حر تفاعلي

و في المرحلة التالتة و الأخيرة هيبقى أرشيف صوت حر تفاعلي ممتع

الله الوطن أراشيف حرّه

  • Posted 2 months ago
  • July 7th, 2014

2 Likes & Reblogs

في الواقع انا بحب منى لأسباب مختلفة تمامًا عن اي حد

منى بتحب الناس و تهتم بيهم اكتر من نفسها,و بتأفور أحيانًا

أنا كمان كده

الحقيقة اني بنجذب للي بيهتموا بالناس اكتر منهم بسرعة جدًا

أنا مستعد تمامًا أفضل مكتئب و مخنوق علشان حد بحبه متضايق و مخنوق

أنا مستعد تمامًا اني اسمح لحد يستغلني و يستخدمني و يكون في قمة أنانيته في ده معايا وهو متضايق او مخنوق او مش قادر يكمل في الدنيا 

و أول ما بكتشف ان المهمة دي تمت,بمشي,بختفي,بتراجع عن مكاني اللي كنت فيه واللي مبقاش هو محتاجه بكل هدوء و لطف :)

ده الفرق الوحيد بيني و بين منى ان منى بتبقى عارفة و بتتعضب برده 

  • Posted 3 months ago
  • June 14th, 2014

1 Likes & Reblogs

و ادي حسن

كتاب الوفيّات ده مش المفروض يتقفل ؟

  • Posted 3 months ago
  • June 13th, 2014

1 Likes & Reblogs

مش فاهم ايه سر الارتياح و الحياة اللي حاسه بعد موت ميّ

مش انبساط انها ماتت بالتأكيد بس

انا كنت بتمنى Closure

للموضوع ده و واضح ان الطبيعة قررت تقفله بطريقتها

مع كل الوجع و الخرا بس فجاه في راسي حاجات حلوه كتير

  • Posted 3 months ago
  • June 7th, 2014

1 Likes & Reblogs

31/5

Sponsor حفلات بن عربي :)

رابع مره :)

  • Posted 3 months ago
  • May 31st, 2014

0 Likes & Reblogs